श्री स्वामी सखा यांचा संन्यास दीक्षा कार्यक्रम

दि. २८ जानेवारी ते २ फेब्रुवारी २०२२

समर्थवाडी रौप्य महोत्सवी वर्ष २०१८

मनी अध्यात्माचा ध्यास | धरुनी विकासाची कास | घडला समर्थवाडीचा इतिहास

श्री स्वामी सखा यांनी अयाचित (जवळ एक पैसा ही न घेता) वृत्तीने १८,००० किमी पायी प्रवास केला. यामध्ये जगन्नाथपुरी, अक्कलकोट व आळंदी पदयात्रा आहेत.
श्री स्वामी सखा यांच्या राशि नुसार त्यांची मकर रास ही भूमि तत्वाची रास असून जगन्नाथपुरी व आळंदी हे धाम आहे. मकर राशीच्या लोकांनी केलेल्या पदयात्रा या त्यांच्या अध्यात्मिक उन्‍नति साठी जास्त श्रेयस्कर असतात. म्हणून स्वामी सखा यांनी १९९४ साली २३०० किलोमीटरची जगन्नाथ पूरी ही पदयात्रा अयाचित वृत्तीने ९२ दिवसात पूर्ण केली तसेच बदलापूर ते अक्कलकोट व बदलापूर ते आळंदी अशा कधी एकट्याने तर कधी स्वामी भक्तां समवेत आजपर्यंत २८ अयाचित पदयात्रा केल्या आहेत.

गुरूपंचायतन संस्थान तर्फे आजपर्यंत ४५ अध्यात्मिक सहली आयोजित करण्यात आल्या. त्यामध्ये गुरू शिखर, कन्याकुमारी पादुका समुद्र स्नान, बद्रिनाथ केदारनाथ गंगोत्री यमुनोत्री अशा सहली आहेत. तसेच कृष्णा परीक्रमा, नर्मदा परीक्रमा, गिरनार परीक्रमा व ब्रह्मगिरि परिक्रमा अशा काही महत्त्वाच्या प्रदक्षिणा आहेत.
श्री स्वामी सखा यांनी ९० स्‍वामिभक्तां बरोबर २००० साली काशी रामेश्वर कावड यात्रा पूर्ण केली. यामध्ये काशी हून गंगा घेऊन ती रामेश्वर येथे वाहिली व रामेश्वर येथून सेतु घेऊन तो काशी विश्वेश्वर येथे वाहिला. ही पूर्ण यात्रा रेल्वेने केली.

समर्थवाड़ी मध्ये आजपर्यंत २१ पेक्षा जास्त याग संपन्न झाले. यामध्ये अयुतचण्डी याग, अतिरुद्र स्वाहाकार, पंच महास्वाहाकार यासारखे याग अनेक संत सत्पुरुषांच्या साक्षीने व आशीर्वादाने उत्साहात साजरे करण्यात आले.

सविस्तर माहिती...